ဗီဇာကင်းလွတ်ခွင့်

ရုရှားဖက်ဒရေးရှင်းနိုင်ငံ၊ သာမန်နိုင်ငံကူးလက်မှတ်ကိုင်ဆောင်သူ ကမ္ဘာလှည့်ခရီးသည်များအတွက် ဗီဇာကင်းလွတ်ခွင့် (Exemption) အား ၁-၇-၂၀၂၂ ရက်နေ့မှ စ၍ခွင့်ပြုပေးသွားမည်ဖြစ်ကြောင်း အသိပေးခြင်း

1. မြန်မာနိုင်ငံအတွင်းသို့ လေကြောင်းခရီးဖြင့် ဝင်ရောက်လာသည့် ရုရှားဖက်ဒရေးရှင်းနိုင်ငံ၊ သာမန်နိုင်ငံကူးလက်မှတ်ကိုင်ဆောင်သူ ကမ္ဘာလှည့်ခရီးသည်များအတွက် ဗီဇာကင်းလွတ်ခွင့် (Exemption) အား ၁-၇-၂၀၂၂ ရက်နေ့မှစ၍ စမ်းသပ်ကာလ (၁) နှစ် သတ်မှတ်ပြီး ကျန်းမာရေးဝန်ကြီးဌာနမှ ထုတ်ပြန်ထားရှိသော ကိုဗစ် (၁၉) ရောဂါ ကာကွယ်၊ ထိန်းချူပ်၊ ကုသရေး စည်းမျဉ်းစည်းကမ်း သတ်မှတ်ချက်များနှင့်အညီ ခွင့်ပြုဆောင်ရွက်ပေးသွားမည် ဖြစ်ပါသည်။
2. ရုရှားဖက်ဒရေးရှင်းနိုင်ငံ၊ သာမန်နိုင်ငံကူးလက်မှတ်ကိုင်ဆောင်သူကမ္ဘာလှည့်ခရီးသွားများ အပြည်ပြည်ဆိုင်ရာလေဆိပ်များသို့ ဝင်ရောက်လာပါက ဗီဇာကင်းလွတ်ခွင့် (Exemption) အား အောက်ပါအတိုင်း ခွင့်ပြုဆောင်ရွက်သွားမည်ဖြစ်ပါသည်-
   • (က) နိုင်ငံကူးလက်မှတ်သတ်တမ်းအနည်းဆုံး (၆) လ ရှိရမည်ဖြစ်ပြီး (၆) လ အောက်ဖြစ်ပါက ပြည်ဝင်ခွင့်မပြုဘဲ ခရီးသည်လိုက်ပါလာသည့် လေကြောင်းလိုင်းဖြင့် ပြန်လည်တင်ပို့ခြင်း ခံရမည်ဖြစ်ပါသည်။
   • (ခ) နေခွင့်ရက်ပေါင်း (၃၀) ခွင့်ပြုမည်ဖြစ်ပြီး သက်တမ်းတိုးမြှင့်ပေးရန် လျှောက်ထားခြင်းကို ခွင့်ပြုမည်မဟုတ်ပါ။
   • (ဂ) နေထိုင်ခွင့် သတ်မှတ်ရက်ထက် ကျော်လွန်နေထိုင်ပါက သတ်မှတ် ရက်လွန်ဒဏ်ကြေး အခငွေပေးဆောင်ရမည်ဖြစ်ပါသည်။
3. ဗီဇာကင်းလွတ်ခွင့် (Exemption) ဖြင့်ဝင်ရောက်လာသည့် ရုရှားဖက်ဒရေးရှင်းနိုင်ငံ၊ သာမန်နိုင်ငံ ကူးလက်မှတ် ကိုင်ဆောင်သူများသည် အောက်ဖော်ပြပါစည်းကမ်းများကို လိုက်နာနေထိုင်ရပါမည်-
   • (က) မြန်မာနိုင်ငံ၏ တည်ဆဲဥပဒေ၊ လုပ်ထုံးလုပ်နည်းများကို လေးစားလိုက်နာရမည်ဖြစ် ပါသည်။
   • (ခ) မြန်မာနိုင်ငံအတွင်း လုံခြုံရေးအရ တားမြစ်ကန့်သတ်ထားသော နယ်မြေမှအပ နိုင်ငံခြားသားများ သွားလာခွင့်ရှိသည့် နေရာများကို လွတ်လပ်စွာ သွားလာနိုင်သည်။
   • (ဂ) ဗီဇာကင်းလွတ်ခွင့် (Exemption) ဖြင့်ဝင်ရောက်ရန် ရောက်ရှိလာသူသည် သက်ဆိုင်ရာ လုံခြုံရေးဌာန/အဖွဲ့အစည်းများမှ ခွင့်မပြုလျင်သော်လည်ကောင်း၊ လူဝင်မှုကြီးကြပ်ရေး ဦးစီးဌာန၏ အမည်မည်းစာရင်း (Blacklist) တွင်ပါဝင်ပါက ပြည်ဝင်ခွင့်အားငြင်းပယ် သွားမည်ဖြစ်ပြီး ခရီးသည်လိုက်ပါလာသည့် လေကြောင်းလိုင်းဖြင့် ပြန်လည်တင်ပို့ခြင်းခံ ရမည်ဖြစ်ပါသည်။
   • (ဃ) အပြည်ပြည်ဆိုင်ရာလေဆိပ်မှ ဗီဇာကင်းလွတ်ခွင့် (Exemption) ဖြင့် ဝင်ရောက်လာသူ သည်မည်သည့် အပြည်ပြည်ဆိုင်ရာလေဆိပ်များမှ မဆိုပြန်လည် ထွက်ခွာနိုင်မည် ဖြစ်ပါသည်။

Learn More